买车，点解？？
佛山而家公共交通好方便，村有单车、镇巴、地铁、各级镇、区、市、省客运站、高铁、去远路仲有广州白云机场……
其实咪就系为咗买部车仔比女人上落班咯
从今以后，哥再也不用担心宝宝——日晒雨淋风吹雨打冬冷夏热咯……

人地话，车系男人嘅第二个老婆（情人、二奶、脸……反正乜都有）……
而我买部车，系当老婆嘅助手……


                                                     上文与车无关，可忽略不睇

========@#￥%……&*=======此处华丽黄金切割线=======*&……%￥#@=======

每个男人都有一个汽车梦，比起女仔嘅公主梦，好太多咯，因为只要努力一把，还是可以实现的……
N年前就开始关注车仔，当年就先定咗个小目标——10w嘅车仔，万一实现了呢，哈哈哈…………每个人都要有个梦想、有个小目标，人生在世，无梦最可怕……

ok，又废话了，上文与车无关，可忽略不睇

一、选车（一个波浪三个转折）
    买车咁小事，当然由男人来啦，向财政大神提交了购车《项目建议书》、《可行性研究报告》，申请咗购车资金，采购金额13w。
    经过上级主管部门嘅审核，最终批复结果：同意采购，采购金额10w。

    当时接到哩份审批结果，立刻就做了一份详细嘅《采购方案》，有双飞——飞度（女人当时中意，就系太细，纯属对比方案）、三飞——锋范（推荐方案一）、大飞——杰德（超预算，纯属对比方案）、威驰（推荐方案二）。
    之前舅仔打算买双飞，外母觉得空间太细，改咗买三飞……
    方案出来，当然要征得业主（财政大神——心爱嘅女人）、专家评委（外母）嘅意见。专家评委建议无买咁细，最好买7座仲好……哈哈~~外母嘅建议非常有建设性。当时我有讲笑：整部GL8或者奥德赛好啊，不过严重超出预算啵~~如果一定要7座嘅话，可以考虑下中国神车——柳州五菱，哈哈哈，大大赞下中国神车…………
    业主要求根据专家意见，修改《采购方案》，嘻嘻~~倍儿爽
    根据意见，最后推翻做自己之前嘅方案，勇敢地提出增加采购金额3w个谂发，最终业主同意修改可行性批复：同意增加采购金额至13w，不得超额。
    好，今次立即制定做《采购方案》，连对比方案都唔比，直接选定新轩逸，比咗三个配置选择，立即带埋业主去4仔度睇~~
二、睇车（单刀直入）
    首先带业主去到日产4仔度，直接推荐阳光、骐达 哈哈哈~~~~
    “NO、NO、NO……” 业主表示唔满意~~~咁就岩嘞，就系要哩个效果~~
    “过来睇下轩逸……”展示果部系自豪版~~钨钢灰+深色内饰~~睇落高大上
    业主一眼睇中咗外观、二眼睇中内饰、三句唔埋就叫销售过来（当时人多，无预约，我地过去无销售跟来），直接问几钱落地……
    4仔嘅销售手段就唔讲嘞~~
    一言不合，业主就要走，反正来到，睇埋隔离大众啊、丰田啊……然后带巨去另一家4仔店。

三、落订购车（简单粗暴）
    到咗另一家4仔店，销售跟过来要主动介绍，业主好直接
    “唔洗介绍，要新轩逸自豪版钨钢灰+深色内饰，几钱，直接报个最低价比我……”
    “个销售反应都算快，即克话而家贷款难、上牌难、要居住证（我顶啊，本地户口要乜鬼居住证，哩条粉肠太无礼貌咯……）……”
    我睇到巨好烦“你行开，叫过个销售过来”
    来咗个靓女销售，我直接讲咗购车需求，加句“全款、本地户口~~”
    ……
    好快倾完，岩有新车到货，一睇，哇塞，前日嘅出厂日期，落订走人，下周一可以提车，跟住预约上牌

三、礼成
    12.6w，厂家送2年6w公里11次基础保养+送嘅首保二保，总共13次~~基本用8次就差唔多
无送大件嘢，所谓嘅标配礼品——底盘漆啊、头枕、脚垫啊……
    
    唔好同我讲平贵，“早买早享受”，睇车落订到摞行驶证不洗10日~~满意~~
    
四、总结
    得到业主（我家女人）、专家评委（外母）嘅赞扬~~ 满足了~~


========@#￥%……&*=======此处华丽黄金切割线=======*&……%￥#@=======

                                                    以下唔添加文字嘞，晒图为主